روم (نیوزڈیسک) مسیحیوں کے مذہبی پیشوا پوپ فرانسس نے رواں سال پاکستان کے دورے کی دعوت قبول کر لی ۔ انہیں یہ دعوت وفاقی وزیر پورٹس اینڈ شپنگ سینیٹر کامران مائیکل کی سربراہی میں اعلی سطحی وفد نے روم میں ملاقات کے دوران دی ۔وفاقی وزیر پورٹس اینڈ شپنگ سینیٹر کامران مائیکل کی سربرای میں وفاقی وزیر مذہبی امور سردار یوسف اور دیگر نے بدھ کے روز ویٹی کن میں مسیحیوں کے مذہبی پیشوا پوپ فرانسس سے ملاقات کی ۔پاکستانی وفد نے پوپ فرانسس کو وزیر اعظم نواز شریف کی جانب سے رواں سال پاکستان کے دورے کی دعوت دی جو پوپ فرانسس نے قبول کرلی۔پاکستانی وفد نے پوپ فرانسس سے مختلف امور پر بھی تبادلہ خیال کیا۔اس موقع پر پاکستان اوردہشتگردی کا شکار افراد اور ان کے اہل خانہ کےلئے خصوصی دعا بھی کی گئی۔