اسلام آباد (نیوز ڈیسک) خواتین کو بااختیار بنانے کے لیے وفاقی حکومت کی جانب سے 8مارچ کو خواتین کے عالمی دن پرجامع پالیسی کا اعلان کیا جائے گاجبکہ وزیراعظم محمدنواز شریف نے اس حوالے سے جامع پالیسی تشکیل دینے کے لیے 9 رکنی کمیٹی تشکیل دے دی ہے جو 5مارچ کوسفارشات مرتب کر کے وزیراعظم ہاﺅس کو ارسال کرے گی ۔ وزیراعظم نواز شریف کی جانب سے بنائی گئی کمیٹی میں وزیر ماحولیاتی تبدیلی زاہد حامد کنوینئر جبکہ وزیر مملکت برائے آئی ٹی انوشہ رحمان ، وزیر مملکت برائے صحت سائرہ افضل تارڑ، خواجہ ظہیر احمد ، اشتر اوصاف ۔، شائستہ پرویز ، ار م بخاری ، ڈاکٹر شیزرا ، رضا خان اس کے ممبر ہونگے ، وزیراعظم نوازشریف کی جانب سے کمیٹی کو 5مارچ تک سفارشا ت مرتب کر کے وزیراعظم کو ارسال کرنے کی ہدائت کی ہے ، وزیراعظم کا کہنا تھا کہ خواتین کو باختیار بنائے بغیر کوئی بھی ملک ترقی نہیں کر سکتا ، کمیٹی خواتین کو بااختیار بنانے کے لیے جامع پالیسی بنا کر وزیراعظم ہاﺅس کو ارسال کرے تاکہ خواتین کے عالمی دن کے موقع پر اس کا اعلان کیا جا سکے ۔