دمشق (نیوز ڈیسک)شامی صوبے حماہ میں خود کش کار بم دھماکے کے نتیجے میںتین افراد ہلاک اور متعدد دیگر زخمی ہو گئے ہیں، عرب ٹی وی کے مطابق دھماکا شامی شہر حماہ کے مشرق میں واقع سلامیہ نامی قصبے میں ہوا۔شامی انسانی حقوق کی تنظیم کے مطابق یہ حملہ شام میں گزشتہ نصف شب سے شروع ہونے والی جنگ بندی کی خلاف ورزی نہیں سمجھی جائیگی کیونکہ یہ دھماکا داعش کے زیر تسلط علاقے میں ہوا جو جنگ بندی سے کے معاہدے سے مستثنیٰ ہے۔فائر بندی میں روس فضائیہ اور شامی فوج عسکریت پسندوں کو نشانہ بنانے کا عمل جاری رکھیں گی۔