لندن(نیوزڈیسک)برطانیہ،حسین برادران سمیت چھ افرادپرانتہائی شرمناک جرم ثابت،فیصلے کی گھڑی آگئی،برطانیہ میں راتھریم سیکس سکینڈل کیس میں حسین برادران سمیت 6 افراد پر جرم ثابت ہو گیا ہے۔ ان کی سزا کا فیصلہ جمعہ کے روز سنایا جائے گا۔غیر ملکی خبر رساں ادارے کی رپورٹ کے مطابق راتھریم سیکس سکینڈل کیس میں یہ افراد کم عمر بچیوں کے جنسی بدسلوکی کے مجرم قرار پائے ہیں۔ مجرموں میں تین بھائی 40 سالہ ارشد حسین، 39 سالہ بشارت حسین اور 36 سالہ بنارس حسین شامل ہیں جبکہ چوتھے مجرم کا نام قربان علی ہے۔ دو خواتین 58 سالہ کیرن مک گریگر اور 40 سالہ شیلی ڈیوس پر بھی جرم ثابت ہوا ہے۔ یہ افراد دس سال کے عرصے میں 15 کم عمر بچیوں کے ساتھ جنسی زیادتی اور انہیں قید رکھنے کے جرائم کے مرتکب پائے گئے ہیں۔ شیفیلڈ کراو¿ن کورٹ میں مجرموں کی سزا کا تعین جمعہ کو ہوگا۔