کھٹمنڈو(نیوز ڈیسک) نیپال میں لاپتہ ہونیوالے طیارے کا ملبہ مل گیا جبکہ اس میں سوار تمام 23 افراد بھی ہلاک ہوگئے ۔ غیر ملکی خبررساں ادارے کے مطابق جائے حادثہ کے قریبی قصبہ میاگدائی سے پولیس آفیسر بشو راج خادکا نے بتایا کہ طیارے کا ملبہ ٹکروں میں بکھرا ہوا ہے اور اس میں سوار کوئی بھی شخص نہیں بچا ۔ انہوں نے کہا کہ ہلاک ہونیوالوں میں ایک چینی اور ایک کورین شہری بھی شامل ہے ۔ نیپال کے وزیر سیاحت نے بھی طیارہ تباہ ہونے او ہلاکتوں کی تصدیق کی ہے ۔ واضح رہے کہ طیارہ گزشتہ روز پوفارا ائرپورٹ سے روانگی کے کچھ دیر بعد شدید دھند کے باعث ریڈار سے رابطہ منقطع ہونے کے بعد لاپتہ ہوگیا تھا۔