برلن(نیوزڈیسک)جرمنی کی حکومت نے مزید پاکستانیوں کو سیاسی پناہ نہ دینے کااعلان کرتے ہوئے کہاہے کہ چھ ہزارسے زائد پاکستانی شہریوں کی سیاسی پناہ کی درخواست مستردکی جاچکی ہے ،غیرملکی خبررساں ادارے کے مطابق جرمنی کے وفاقی ادارہ برائے تارکین وطن و مہاجرین (بی اے ایم ایف) نے ایک بیان میں کہاکہ 200پاکستانی مہاجرین کو پناہ دی گئی ہے مگر انہیں محدودمدت کے لیے ویزے جاری کیے گئے ہیں ،باقی پاکستانیوں کو جرمنی میں پناہ کا حق دار نہیں سمجھا گیا،واضح رہے کہ یورپی یونین کے دفتر شماریات یوروسٹیٹ نے بتایاتھا کہ گزشتہ برس جرمنی آنے والے پاکستانی تارکین وطن کی اکثریت مردوں کی تھی۔یادرہے کہ یورپ میں جاری مہاجرین کے موجودہ بحران کے دوران یورپ آنے والے زیادہ تر مہاجرین کا تعلق خانہ جنگی کے شکار ملک شام سے ہے۔جرمنی میں اب تک ایک لاکھ نوّے ہزار شامی باشندوں کی سیاسی پناہ کی درخواستوں پر فیصلے کیے جا چکے ہیں۔ شامی پناہ گزینوں کی درخواستیں مسترد کیے جانے کا تناسب نہایت کم ہے۔