بارسلونا( نیوز ڈیسک)اسپین کے علاقے لاریوخا ڈویژن کی ایک پاکستانی ایسوسی ایشن میں عہدے کے اعتبار سے دوسرے نمبر کی پوزیشن رکھنے والے جاوید ڈبل اے کو اسپین رینجرز نے دیگر4 پاکستانیوں کے ہمراہ گرفتار کر لیا۔ رینجرز نے آپریشن ’’کاآئوبا‘‘ کے تحت یوروپول ایجنسی پر 150 سپاہیوں کی مدد سے کیا۔جنگ رپورٹر شفقت علی رضا کے مطابق گرفتار کئے گئے گروہ کے ارکان کو پکڑنے کے لئے لگرونیا، کالااورا ،اور تودیلا میں 14 گھروں پر چھاپے مارے گئے جہاں سے بہت بڑی تعداد میں پاکستانی پاسپورٹ، ویزا اسٹیکر، ڈومیسائل سرٹیفکیٹ، پاکستانی شناختی کارڈ، 22 ہزار یورو نقد، 55 موبائل فون اور حسابی کھاتے رینجرز نے اپنی تحویل میں لے لئے۔ملزم جاوید اورگروہ کے دیگر 4 افراد پاکستانیوں کو براستہ اٹلی اور براہ راست اسپین لائے جانے کے بعد ان سے ڈونر کباب کی دکانوں اور پی سی اوز پر جبری مشقت بھی کرواتے تھے۔