اتوار‬‮ ، 17 مئی‬‮‬‮ 2026 

ٹرمپ نے پوپ کو بھی سنا دیں، میکسیکو حکومت کا مہرہ قراردیدیا

datetime 19  فروری‬‮  2016 |

نیویارک(نیوز ڈیسک)پوپ فرانسس نے صدارتی امیدوار کے ری پبلکن خواہش مند ڈونلڈ ٹرمپ کے بارے میں کہا ہے کہ جو شخص دیواریں کھڑی کرے اور پل کا کردار ادا نہ کرے وہ عیسائی نہیں ہوسکتا۔اس پر ڈونلڈ ٹرمپ کا کہنا ہے کہ پوپ بہت اچھے آدمی اور اچھا عیسائی ہیں۔ لیکن کسی مذہبی رہنما کو ان کے عقیدے کے بارے میں سوال اٹھانے کا حق نہیں ہے۔وہ کہتے ہیں کہ انہیں عیسائی ہونے پر فخر ہے، لیکن پوپ فرانسس نے ٹرمپ کی عیسائیت پر سوالیہ نشان لگا دیا، جس پر ڈونلڈ ٹرمپ نے اپنے توپوں کا رخ اب پوپ فرانسس کی طرف موڑ دیا ہے۔جنوبی کیرولائنا میں انتخابی ریلی سے خطاب میں ان کا کہنا ہے کہ میکسیکو حکومت پوپ کو مہرے کے طور پر استعمال کر رہی ہے۔ پوپ نے یک طرفہ کہانی سنی کرائم، اسمگلنگ، اقتصادی مسائل نہیں دیکھے۔ ڈونلڈ ٹرمپ نے کہا کہ وہ برے آدمی نہیں بلکہ بہت اچھے آدمی اور اچھے عیسائی بھی ہیں، پر کسی مذہبی رہنما کی جانب سے کسی کے عقیدے پر سوال اٹھانا شرمناک ہے۔اس سے پہلے کیتھولک عیسائیوں کے روحانی پیشوا پوپ فرانسس بھی امریکی صدارتی انتخابات کی مہم میں کود پڑے۔ میکسیکو کا دورہ مکمل کرنے کے بعد ویٹی کن سٹی کے لیے واپسی پر طیارے میں میڈیا سے گفتگو میں پوپ فرانسس نے کہا، جو دیواریں کھڑی کرے اور پل کا کردار ادا نہ کرے ایسے خیالات رکھنے والا شخص عیسائی نہیں ہوسکتا۔واضح رہے کہ ڈونلڈ ٹرمپ نے اپنی مہم ک دوران ایک جلسے میں میکسیکو کے ساتھ ایک اونچی دیوار کھڑی کرنے کی تجویز دی تھی، تاکہ تارکین وطن امریکا نہ آسکیں۔

آج کی سب سے زیادہ پڑھی جانے والی خبریں


کالم



آئی سٹل لو یو


یہ بنیادی طور پر محبت کی کہانی تھی‘ جارج سمتھ…

’’آزادی کی ہوا چل رہی ہے‘‘

یہ 1882ء کی ایک گرم دوپہر تھی‘ ہارورڈ یونیورسٹی…

موسمی پرندے

’’ مجھے سمجھ نہیں آ رہی‘‘ نوجوان وزیر نے دانشور…

آپریشن بنیان المرصوص (آخری حصہ)

سر ونسٹن چرچل لوگوں کو ہمیشہ خوش نصیبی کی دعا…

آپریشن بنیان المرصوص (چوتھا حصہ)

مئی کی پاک بھارت جنگ پہلگام کے واقعے سے سٹارٹ…

آپریشن بنیان المرصوص(تیسرا حصہ)

ہمیں کہانی کو آگے بڑھانے سے قبل ایک اور حقیقت…

آپریشن بنیان المرصوص(دوسرا حصہ)

ظہیر احمد بابر کا کیریئر بظاہر ائیر کموڈور پر…

آپریشن بنیان المرصوص

میری درخواست ہے آپ تھوڑی دیر کے لیے اپریل 2025ء…

مذاکرات کی اندرونی کہانی

پاکستان میں ایران کے سفیر رضا امیری مقدم ہیں‘…

گریٹ گیم (آخری حصہ)

میں اس سوال کی طرف آئوں گا لیکن اس سے قبل ایک حقیقت…

گریٹ گیم(چوتھا حصہ)

لیویونگ زنگ اور اس کا بھائی لیویونگ ہو چین کی…