واشنگٹن(نیوز ڈیسک)امریکی صدر بارک اوباما آئندہ ہفتے کیوبا کا دورہ کریں گے، 55سال سے زائد عرصے کے دوران یہ کسی بھی امریکی صدر کا کیوبا کا پہلا دورہ ہوگا۔غیرملکی خبررساں ادارے کے مطابق امریکی حکام کا کہنا ہے کہ صدر باراک اوباما آئندہ ہفتے کیوبا کا تاریخی دورہ کریں گے اور وہ اس دورے کے لئے بے چین ہیں۔ 1959میں کیوبا کے انقلاب کے بعد یہ پہلا موقع ہوگا کہ کوئی امریکی صدر کیوبا کا دورہ کرے گا۔امریکا کے صدر باراک اومابا نے اپنے کیوبا کے ہم منصب سے دسمبر2014میں ملاقات کی تھی جس کے بعد جولائی 2015میں دونوں ملکوں نے تاریخی تعلقات بحال کئے جبکہ اوباما انتظامیہ کا کہنا ہے کہ دونوں ممالک کے درمیان تجارتی اورسفری تعلقات کے خواہاں ہیں جس کے لئے صدر اوباما کا دورہ انتہائی اہمیت کا حامل ہے