اسلام آباد(نیوز ڈیسک)نائن الیون کا واقعہ کسے یاد نہیں ہوگا۔معروف امریکی ٹاور پر ٹکرانے والے جہاز ہر کسی کے ذہن پر طویل عرصے تک نقش رہے۔جس کے بعد دنیا بھر میں مسلمانوں پر عرصہ حیات تنگ کر دیا گیا ۔مگر حال ہی میں ہوئے انکشاف کیمطابق امریکی صدر جارج ڈبلیو بش کو اس حادثے کے بارے پہلے سے معلوم تھا۔
معروف امریکی فلمساز مائیکل مور نے ایک میمو جاری کرتے ہوئے انکشاف کیاہے کہ امریکی حکومت کو نائن الیون واقعہ سے متعلق پیشگی علم تھا۔ایک امریکی اخبار کی رپورٹ کے مطابق مائیکل مور نے بدھ کو میمو کی ایک تصویر سماجی راوبط کی ویب سائٹس ٹوئٹر اور فیس بک پر جاری کرتے ہوئے انکشاف کیاہے کہ اس وقت کے امریکی صدر جارج ڈبلیو بش کو ورلڈ ٹریڈ ٹاور پر حملے کا 5ہفتے قبل ہی علم ہوچکا تھا لیکن انہوں نے نظر انداز کردیا۔میمو کے مطابق نائن الیون کے مرکزی کردار اسامہ بن امریکہ پر حملے کی منصوبہ بندی کرچکے تھے۔یہ دستاویز اس بات کی ثبوت تھی کہ اسامہ بن لادن ٹاورز کو نشانہ بنانے والے ہیں۔مائیکل مور کے مطابق صدر بش نے حملے سے متعلق دستاویز کو دیکھنے کے بعد انہیں روکنے کیلئے کوئی قدم نہیں اٹھایا۔دستاویز کے مطابق 1998ء میں افغانستان میں القاعدہ کے ٹھکانے پر امریکی میزائل حملے کے بعد اسامہ نے اپنے حواریوں سے کہاکہ وہ واشنگٹن کیخلاف جوابی کارروائی کا خواہشمند ہے۔