اسلام آباد (نیوز ڈیسک) سربراہ عوامی مسلم لیگ شیخ رشید نے کہاہے کہ قوم کو سمجھ آ گئی ہے کہ شیر کی دم پر گینڈے کا پاﺅں آ گیا ہے ۔ وزیر اعظم نواز شریف کا فرمان ہے کہ نیب شریفوں کو تنگ نہ کرے چیف ایگزیکٹو نیب کے اختیارات ختم ہوئے تو قومی اسمبلی میں مزید بدمزگی پیدا ہو جائے گی ان خیالات کا اظہار انہوں نے قومی اسمبلی کے باہر میڈیا سے گفتگو کرتے ہوئے کیا رکن قومی اسمبلی شیخ رشید کا کہنا تھا کہ آئندہ دو ہفتوں میں پتہ چل جائے گا کہ وزیر اعظم نواز شریف اور سابق صدر آصف علی زرداری ایک پیچ پر ہیں انہوں نے کہا کہ وفاقی وزیر داخلہ چودھری نثار علی خان کرپشن میں شامل افراد کا نام ای سی ایل میں ڈالیں کیونکہ اگر نیب جاگ گیا تو سیاستدان سو جائیں گے ۔ شیخ رشید کا کہنا تھا کہ (ن) لیگ نیب کے شکنجے میں آنے لگی تو وزیر اعظم نواز شریف چیف ایگزیکٹو نیب کے اختیارات ختم کرنے جا رہے ہیں اگر ایسا ہوا تو قومی اسمبلی میں بہت واویلا ہو گا انہوں نے مزید کہا کہ رینجرز پنجاب کے قبائلی علاقوں میں بھی کارروائیاں کرے اور وزیر اعظم نواز شریف ادارون کو توڑنے کی بجائے ان کے استحکام اور مضبوطی کے لئے کام کریں ۔ #/s#