ہنوئی (نیوز ڈیسک) ویتنام کی جیل میں انوکھاواقعہ پیش آگیا جہاں پھانسی سے بچنے کے لیے خاتون قیدی حاملہ ہوگئی جس پر حکام بھی چکراکررہ گئے اور پھانسی موخرکردی جبکہ غفلت برتنے کے الزام میں جیل کے چار اہلکاروں کو معطل کردیاگیا۔اماراتی میڈیا کے مطابق منشیات کی سمگلنگ کے الزام میں سزائے موت کی قیدی خاتون کے حاملہ ہونے کے بعد شمالی ویتنام کی جیل میں تعینات چارمحافظوں کو غفلت برتنے کے الزام میں معطل کردیاگیاجبکہ بچے کی پیدائش کے بعد خاتون کی سزائے موت عمرقید میں بدل جائے گی۔ 42سالہ نگوین دی ہوئی کو 2012ء میں منشیات سمگلنگ کے الزام میں گرفتار کیاگیا اور 2014ء4 میں سزائے موت سنائی گئی اور اسی سال ہی عدالت نے اپیل مستردکی۔رپورٹ کے مطابق اپنی اسیری کے دوران ہی ملزمہ نے ایک ساتھی قیدی کو حاملہ ہونے میں مدد دینے کیلئے 2300ڈالر ادائیگی کی ، دومرتبہ 27سالہ مرد نے اپنے سپرم ایک پلاسٹک بیگ میں متفقہ جگہ پر رکھے جو خاتون نے سرنج کے ذریعے اپنے جسم میں داخل کرلیے ، خاتون ان سپرمز کی مدد سے حاملہ ہوگئی اور دوماہ میں اس کے ہاں بچے کی پیدائش متوقع ہے ، بچے کی عمر تین سال سے کم ہونے کی وجہ سے ملزمہ کی سزائے موت عمر قید میں بدل جائے گی جبکہ حمل کے دوران بھی پھانسی نہیں دی جاسکتی۔