لندن (نیوز ڈیسک) لندن سے نیویارک جانے والے طیارے پر دوران پرواز کاک پٹ میں لیزر شعاﺅں کا حملہ ۔ لیزر کی نشاندہی پر پائلٹ نے طیار ے کو باحفاظت لندن ایئرپورٹ پر اتار لیا ۔ برطانوی میڈیا رپورٹ کے مطابق پیر کے روز لندن سے نیویارک جانے والے طیارے ورجن اٹلانٹک کو دوران پرواز کاک پٹ میں لیزر شعاﺅں کا حلہ ہوا جس سے پائلٹ کی حالت خراب ہو گئی ۔ طیارے کے پائلٹ نے لیزر شعاﺅں کی نشاندہی پر طیارے کا رخ لندن کی جانب مور دیا اور طیارے میں سوار 252 مسافروں سمیت عملے کے 15 افراد کو باحفاظت لندن ایئرپورٹ پر اتار لیا ۔ لیزر کی شعاعیں کہاں سے آئیں ابھی تک کچھ پتہ نہیں لگ سکا ۔