تائی پے(نیوز ڈیسک)تائیوان کے شہر تائینن میں زلزلے سے تباہ ہونے والی عمارت کے ملبے سے مزید 5لاشوں کو نکال لیا گیا۔جس کے بعد ہلاکتوں کی تعداد 44 ہو گئی ہے۔تائینن میں خوفناک زلزلے کے 4 روز بعد بھی رہائشی عمارت کے ملبے سے لاشیں نکالنے کا کام جاری ہے۔آج 16 منزلہ رہائشی عمارت کے ملبے سے مزید 5 لاشوں کو نکالا گیا ہے ،جس کے بعد ہلاکتوں کی تعداد44 جبکہ90 سے زائد اب بھی لاپتا ہیں۔گزشتہ روز اقوام متحدہ کے جنرل سیکریٹری بان کی مون نے قیامت خیز زلزلے سے متاثرہ خاندانوں سے غم کا اظہار کیا۔