اسلام آباد(نیوزڈیسک)پاکستانی بھی کسی سے کم نہیں۔۔ایسا انکشاف کہ یقین نہ آئے،پاکستان کی آبادی کے بارے میں مختلف باتیں کی جاتی ہیں کوئی کہتا ہے کہ پاکستان کی آبادی اٹھارہ کروڑ ہوچکی ہے کوئی اس سے زیادہ بتاتا ہے اور کوئی کہتا ہے کہ آبادی پندرہ کروڑ سے زیادہ نہیں۔ آبادی کو تو ایک طر ف رکھیں اب ایسا انکشاف سامنے آیا ہے کہ جس پر یقین ہی نہ آئے مگر یہ تصدیق شدہ اعداد و شمار ہیں جن پر آخر کار یقین کرنا ہی پڑے گا۔تازہ ترین اطلاعات کے مطابق دسمبر 2015ء کے اختتام پر ملک میں موبائل فون کے صارفین کی تعداد 12کروڑ 58لاکھ 99ہزار تک ہوگئی۔پاکستان ٹیلی کمیونی کیشن اتھارٹی (پی ٹی اے) کے اعدادو شمار کے مطابق نومبر کے مقابلہ میں دسمبر 2015ءکے دوران ملک میں موبائل فون کی سہولت فراہم کرنے والی پانچ کمپنیوں نے 16لاکھ 50ہزار نئے کنکشن فروخت کئے ہیں۔رپورٹ کے مطابق نومبر 2014ء کے اختتام پر ملک میں موبائل فون صارفین کی مجموعی تعداد 12کروڑ 42لاکھ 40ہزار تھی۔