ریاض(نیوز ڈیسک) سعودی عرب کے وزیر خارجہ عادل الجبیر نے اعلان کیا ہے کہ سعودی عرب ایرانی حجاج کو تمام سہولتیں فراہم کرے گا۔ ریاض میں اپنے جرمن ہم منصب کے ساتھ ایک پریس کانفرنس میں ان کا کہنا تھا کہ سعودی عرب اور ایران کے درمیان کشیدگی ایران کی پالیسیوں کی وجہ سے پیدا ہوئی۔سعودی وزیر کا کہنا تھا کہ اسلام تو درگزر، محبت اور رواداری کا مذہب ہے۔جنگ رپورٹر شاہد نعیم کے مطابق داعش تنظیم جو کچھ کررہی ہے اس کا مذہب سے کوئی تعلق نہیں۔شامی مذاکرات کے حوالے سے عادل الجبیر نے باور کرایا کہ جنیوا میں شامی حکومت کے وفد نے امن مذاکرات میں کسی قسم کی سنجیدگی کامظاہرہ نہیں کیا۔