جدہ(نیوز ڈیسک)سعودی عرب میں پھنسے پی آئی اے کے مسافروں کی تعداد چار ہزار تک پہنچ گئی ہے۔ پاکستانی قونصل جنرل کا کہنا ہے نو سو افراد کو پاکستان بھیج دیا گیا۔مزید مسافر آج روانہ کیے جائیں گے۔جدہ میں پاکستانی قونصل جنرل شہریار اکبر خان نے کہا کہ اب تک 900 سے زائد عمرہ زائرین کو پاکستان بھیجا جاچکا ہے۔جبکہ تقریباً تین ہزار زائرین کو ہوٹلوں میں ٹہرایا گیا ہے جن کی روانگی کے انتظامات ہوتے ہی انہیں پاکستان روانہ کردیا جائے گا۔شہریار اکبر خان کا کہنا تھا کہ جن زائرین کے عمرہ ویزے کی معیاد ختم ہوجائے ،سعودی حکام نے انہیں بھی پاکستان روانگی میں سہولیت کی یقین دہانی کرائی ہے