حیدرآباد(نیوزڈیسک)مشیراطلاعات سندھ مولابخش چانڈیو نے کہا ہے کہ اگر عزیر بلوچ کیساتھ تصویر کی بنا پر لوگوں کو پکڑاگیا تو پورا ملک پکڑا جائے گا۔مشیراطلاعات سندھ مولابخش چانڈیو حیدرآباد میں میڈیا سے گفتگو کر رہے تھے ۔ انہوں نے کہا کہ فرمائشی پرگرام نہیں چلےگا.انہوں نے کہاکہ عزیربلوچ کی پیپلزپارٹی قیادت کے ساتھ تصویروں کی وجہ سے نئی پریشانی کھڑی ہوگئی ہے۔ احتساب ایسا کیا جائے کہ کوئی انگلی نہ اٹھاسکے۔انہوں نے کہا کہ عزیربلوچ3ماہ سےتحویل میں تھا، اس کا ظہور کس لیے ہوا سب جان جائیں گے، چودھری نثارسےکوئی جھگڑانہیں کڑوی میٹھی باتیں تب تک کرتےرہیں گےجب تک وزارت داخلہ ان کےپاس ہے ۔ان کا کہنا تھا کہ سندھ میں فرشتوں کی حکومت نہیں ،لیکن خیبرپختونخوا اورپنجاب بھی جنت الفردوس نہیں ہیں۔