آئیووا (نیوز ڈیسک) امریکی صدارتی انتخاب کے لیے ریاسٹ آئیووا میں ہونے والے پرائمری انتخاب میں ری پبلکن کے ڈونلڈٹرمپ کو لگا پہلا جھٹکا۔ ٹیڈ کروز نے 28 فیصد ووٹ حاصل کیے جبکہ ڈونلڈ ٹرمپ 24 فیصد ووٹ لے سکے ۔ صدارتی نامزدگی مہم کے دوران جیت کے لئے پر اعتماد نظر آنے والے ٹرمپ کے پاس شکست تسلیم کرنے کے سوا کوئی چارہ نہ تھا۔ ریاست آئیووا میں شہریوں نے ڈونلڈ ٹرمپ کو صدارتی امیدواروں کی دوڑ سے باہر نکالتے ہوئے ٹیڈ کروز کو امریکی صدر بننے کے لیے بہترین امیدوار قرار دے دیا ۔امریکا کے صدارتی انتخاب کے لیے ریاست آئیووا میں ڈیمو کریٹس اور ریپبلکن کا کاو¿کسز ہوا ، ارب پتی امیدوار ڈونلڈ ٹرمپ کا مسلمان مخالف ایجنڈا ان کے کام نہ آیا اور پہلے ہی مرحلے میں شکست مقدر ٹھہری ، ری پبلکنز کے ٹیڈ کروز نے ڈونلڈ ٹرمپ اور مارکو ربیو پر برتری حاصل کر لی ۔امریکی میڈیا کے مطابق ٹیڈ کروز نے اٹھائیس جبکہ ڈونلڈ ٹرمپ نے چوبیس فیصد ووٹ حاصل کیے ، ڈونلڈ ٹرمپ نے شکست قبول کرتے ہوئے ٹیڈ کروز کو جیت پر مبارکباد پیش کی۔دوسری جانب ڈیمو کریٹ امیدوار ہلیری کلنٹن اور برنی سینڈرزکے درمیان کانٹے کا مقابلہ دیکھنے میں آیا اور ہیلری کلنٹن نے سخت مقابلے کے بعد برنی سینڈرز کو شکست دی ۔