ریاض (نیوز ڈیسک) سعودی عرب میں ایک ایشیائی باشندہ اپنے دوستوں کو متاثر کرنے کے چکر میں بڑی مصیبت میں پھنس گیا۔ تفصیلات کے مطابق لانڈری میں کام کرنیوالے ایشیائی باشندے نے دوستوں کو متاثر کرنے کیلئے کسٹمر کا ملٹری یونیفارم پہن کر تصویر بنائی اور اسے سوشل میڈیا پر شائع کر دیاجس پر پولیس نے کارروائی کرتے ہوئے اسے گرفتار کر لیاہے۔ ایشیائی باشندے کی جانب سے سوشل میڈیا پر تصویر شائع کرنے کے ایک دن بعد پولیس نے لانڈری کا پتہ لگایا اور اور سیدھا اس لڑکے کو حراست میں لے کر پولیس سٹیشن منتقل کر دیا۔لڑکے کو اندازہ نہیں تھا کہ اس کی یہ حرکت اس کو مہنگی پڑ سکتی ہے۔