لاہو ر(نیوز ڈیسک ) شہر میں سوائن فلو کا خطرہ بدستور موجود ، مزید 5کیسز سامنے آگئے۔ ذرائع کے مطابق شہر میں سوائن فلو کے مزید 5کیسز سامنے آگئے جس کے بعد رواں سال جنوری میں سوائن فلو کے کیسز کی مجموعی تعداد 85ہوگئی ہے۔رواں سیزن کے دوران سوائن فلو سے شہر میں 6ہلاکتیں بھی ہوچکی ہیں، تاہم ماہرین کے مطابق یہ چند احتیاطی تدابیر آپ کو سوائن فلو جیسے موضی مرض سے بچا سکتی ہیں جو کہ انتہائی آسان ہیں ۔
کسی بھی قسم کے نزلہ زکام کو کبھی بھی نظر انداز مت کریں چونکہ ہو سکتا وہ سوائن فلو کی ابتدا ہو ۔ کسی بھی قسم کے زکام کی دوا ڈاکٹر سے ضرور لیں ۔
ماہرین کے مطابق سوائن فلو سے بچاؤ کیلئے صرف فیس ماسک پر ہی انحصار مت کریں ،ہاں سوائن فلو سے متاثرہ شخص سے بچاؤ کیلئے ماسک ضرور استعمال کریں ۔
باقائدگی سے اپنے ہاتھ دھوئیں، کھانستے اور چھینکتے وقت رومال یا ٹشو پیپر کا استعمال ضرور کریں۔متاثرہ شخص سے کم از کم 6 فٹ دور رہیں ۔کسی کا استعمال شدہ ماسک ہر گز مت پہنیں ۔فلو سے متاثرہ شخص کے استعمال کی چیزیں بار بار صاف کرتے رہیں تاکہ جراثیم دوسرے لوگوں میں منتقل نہ ہوں ۔