اسلام آباد(نیوز ڈیسک) افغانستان کے شہر جلال آباد میں خود کش حملے کے نتیجے میں13 افراد جان سے ہاتھ دھو بیٹھے جبکہ 15 سے زائد زخمی ہیں۔افغان میڈیا کے مطابق خود کش دھماکہ افغان صوبے ننگر ہار کی صوبائی کونسل کے رکن عبیداللہ شنواری کے گھر کے باہر کیا گیا ہے جس کے نتیجے میں13 افراد جاں بحق ہوگئے ہیں جبکہ 15 سے زائد زخمی ہیں۔ دھماکہ اس وقت کیا گیا ہے جب عبیداللہ شنواری کے گھر جرگہ منعقد ہورہا تھا۔ خودکش حملے کی اطلاع ملتے ہی سیکیورٹی فورسز نے علاقے کو گھیرے میں لے لیا اور امدادی کارروائیاں شروع کردی ہیں۔