نئی دہلی (این این آئی)بھارت کی شمالی ریاست اتر پردیش میں اجتماعی زیادتی کا نشانہ بننے والی 50سالہ شادی شدہ خاتون نے واقعہ کی وڈیو واٹس ایپ پر جاری ہونے کے بعد زہر کھا کر خود کشی کرلی۔ بھارتی اخبار کی رپورٹ کے مطابق اے ایچ اے نامی ٹیکس سروس کی ملازمہ کو 4افراد نے اجتماعی زیادتی کا نشانہ بنایا اور اس واقعے کی ویڈیو بھی بنائی جسے انہوں نے واٹس ایپ پر جاری کر دیا۔ ویڈیو منظر عام پر آنے کے بعد خاتون نے زہر کھا کر اپنی زندگی کا خاتمہ کر لیا۔ پولیس نے اس سلسلہ میں 23سالہ ملزم کو حراست میں لیا ہے ۔ واقعہ کے خلاف احتجاج کے دوران دہلی ڈیرہ دھون نیشنل ہائی وے 2گھنٹے تک بند رہی۔