اسلام آباد(نیوزڈیسک) حقیقت سے لاعلم پاکستانی خوداپنے ہاتھوں اپنی سماعت کھونے لگے،آپ بھی ہوشیار ہوجائیں!،ہر شخص اس بات سے واقف نہیں کہ ہیڈ فون کاکا استعمال اس کے لئے کس قدر نقصان دہ ہے اور یہی حال آج کل پاکستان میں نظر آتاہے آپ جہاں بھی چلے جاائیں چاہے وہ کوئی سبزی والا ہو یا کھاتا پیتا ایلیٹ کلاس کا گاڑی میں بیٹھا ہوا شخص ہیڈ فون اس کی زندگی کامعمول بن چکاہے اسی حوالے سے عالمی ادارہ صحت نے خدشہ ظاہر کیا ہے کہ ہیڈ فونز کے ضرورت سے زیادہ استعمال کے باعث دنیا میں 1 ارب سے زائد افراد بہرے پن کا شکار ہوسکتے ہیں۔عالمی ادارہ صحت کی رپورٹ کے مطابق دنیا بھر میں 12 سے 35 سال کی عمر کے ایک ارب سے زائد افراد میں غیر محفوظ طریقے سے صوتی آلات کا استعمال خطرناک حد تک بڑھ گیا ہے۔ جس کے باعث ان کی قوت سماعت شدید متاثر ہورہی ہے۔ ان لوگوں نے اسی طرح صوتی آلات کا استعمال جاری رکھا تو وہ ہمیشہ کے لئے بہرے پن کا شکار ہوسکتے ہیں۔عالمی ادارہ صحت کے ڈاریکٹر ایٹین کریگ کا کہنا ہے کہ اگر ایک بار سماعت چلی گئی تو اس کا علاج ممکن نہیں ہے۔ اس لئے ضروی ہے کہ موسیقی سے لطف اندوز ہونے کے لئے ہیڈ فونز کا استعمال دن میں زیادہ سے زیادہ ایک گھنٹے کیا جائے۔