اسلام آباد،کراچی(نیوزڈیسک)نوازشریف کی ہدایات نظرانداز،چوہدری نثار نے جو کہاکردکھایا،سندھ میں رینجرز اختیارات کا تنازعہ حل نہ ہو سکا، وزیر اعظم کی ہدایت کے باوجود وزیر داخلہ چودھری نثار نے وزیر اعلیٰ سندھ سے ملاقات نہیں کی۔ وزیر اعلیٰ سندھ اور خورشید شاہ معاملے کے حل کے لئے سر جوڑ کر بیٹھ گئے۔ رینجرز اختیارات کے معاملے پر سندھ اور وفاق کے درمیان تنازعہ بدستور موجود ہے۔ وزیر اعظم نواز شریف اور وزیر اعلیٰ سندھ کے ملاقات بھی تنازعہ کو حل نہ کرا سکی۔ وزیر اعظم نے معاملے کو حل کرنے کے لئے وفاقی وزیر داخلہ چودھری نثار علی خان کو وزیر اعلیٰ سندھ سید قائم علی شاہ سے ملاقات کرنے کی ہدایت کی تھی، تاہم وزیر اعلیٰ سندھ کے ترجمان کے مطابق چودھری نثار نے نہ ہی وزیر اعلیٰ سندھ سے کوئی رابطہ کیا اور نہ ہی ملاقات کا کوئی عندیہ دیا ہے، وزیر اعلیٰ سندھ کو چودھری نثار کے رابطہ نہ کرنے پر تشویش ہے۔دوسری جانب وزیر اعلیٰ سندھ نے معاملے کو حل کرنے کے لئے خورشید شاہ سے مدد مانگ لی ہے۔ خورشید شاہ نے وزیر اعلیٰ سندھ سید قائم علی شاہ سے ملاقات کی۔ دونوں رہنماو¿ں نے رینجرز اختیارات کے معاملے پر وفاق کے روئیے پر تفصیلی گفتگو کی۔ وزیر اعلیٰ سندھ نے خورشید شاہ کو رینجرز اختیارات پر سندھ حکومت کے تحفظات کو دور کرنے کی حکمت عملی سے ا?گاہ کیا۔ رینجرز کے خصوصی اختیارات کی مدت 5 فروری کو ختم ہو جائیگی۔ تنازعہ ایک مرتبہ پھر سر اٹھانے کو تیار ہے۔صوبائی مشیر اطلاعات مولا بخش چانڈیو کہتے ہیں کہ رینجرز اختیارات کے معاملے پر سندھ نے وفاق کے خلاف بغاوت کی کوئی بات نہیں کی، صرف اپنے تحفظات کا اظہار کیا ہے۔ ان کا مزید کہنا تھا کہ کراچی میں بلدیاتی نمائندوں کی خرید و فروخت کا الزم مسترد کرتے ہیں، وہ میڈیا سے گفتگو کر رہے تھے۔