واشنگٹن (نیوزڈیسک)امریکی وزیر خارجہ جان کیری نے کہا ہے کہ ایران نے وعدے پورے کئے تو جوہری معاہدے پر جلد عملدرآمد شروع ہو گا۔ واشنگٹن میں صحافیوں سے گفتگو کرتے ہوئے وزیر خارجہ جان کیری نے کہا کہ ایرانی وزیر خارجہ جواد ظریف نے یقین دہانی کرا دی ہے کہ تہران جوہری معاہدے پر عملدرآمد کےلئے اپنی ذمہ داریاں جلد پوری کرےگا۔امرکہ بھی مقررہ دن سے قبل جوہری معاہدے پر عملدرآمد کی تیاریوں میں مصروف ہے، انہوں نے کہا کہ امریکہ کی ایران کے میزائل اور خطے میں دیگر سرگرمیوں پر کڑی نظر ہے۔جان کیری نے کہا کہ جوہری تجربے پر شمالی کوریا کےخلاف اقدامات کےلئے امریکا چین کےساتھ مل کر کام کر رہا ہے۔