ریاض.(نیوزڈیسک)6 ممالک نے ایران اور سعودی عرب کے درمیان جاری کشیدگی ختم کروانے کیلئے ثالثی کی پیشکش کردی ہے۔ سعودی اخبار کے مطابق 6ممالک میں پاکستان، امریکا، روس، عمان، ترکی اورعراق شامل ہیں۔واضح رہے کہ سعودی عالم شیخ النمر کو سزائے موت دینے کے بعد ایران میں سعودی عرب کے سفارت خانے اور قونصل خانے پر حملے اور توڑ پھوڑکے بعد سعودی عرب اور ایران کے سفارتی تعلقات کشیدہ ہوگئے۔اس صورت حال کے بعد سعودی عرب، بحرین، سوڈان، جبوتی، صومالیہ ، کویت سمیت کئی ممالک نے ایران سے سفارتی تعلقات ختم کردیے اور کچھ نے سفارتی عملے میں کمی کر دی۔