پیرس.(نیوزڈیسک)پیرس میں پولیس اسٹیشن میں داخل ہونے کی کوشش کرنے والا شخص پولیس کی فائرنگ سے ہلاک ہوگیا، پولیس حکام کے مطابق حملہ آور نے نقلی خودکش جیکٹ پہنی ہوئی تھی۔فرانسیسی وزارت داخلہ کے ترجمان کے مطابق مبینہ خودکش حملہ آور دارالحکومت پیرس کے شمالی علاقے کے پولیس اسٹیشن میں داخل ہونے کی کوشش کررہا تھا، پولیس نے فائرنگ کرکے حملہ آور کو ہلاک کردیا۔روبوٹ کے ذریعے حملہ آور کی لاش کی تلاشی لی گئی۔پولیس حکام کے مطابق حملہ آور نے نقلی خودکش جیکٹ پہن رکھی تھی، واضح رہے کہ پیرس میں چارلی ہیبڈو میگزین کے دفتر پر حملے کو آج ایک سال مکمل ہوا ہے