اسلام آباد(نیوزڈیسک)وزیر اعظم نواز شریف کے داماد اور رکن قومی اسمبلی کیپٹن ریٹائرڈصفدر نے موبائل کمپنیوں کے نمائندوں کے قومی اسمبلی کی قائمہ کمیٹی برائے انفارمیشن ٹیکنالوجی میں پیش نہ ہونے پر استعفیٰ دینے کی دھمکی دیدی تاہم اویس لغاری کے مشورہ پر اس معاملے پر سپیکر سے رابطے کا فیصلہ کر لیا گیا۔قومی اسمبلی کی قائمہ کمیٹی برائے انفارمیشن ٹیکنالوجی کا اجلاس کیپٹن(ر) صفدر کی زیر صدارت ہواجس میں موبائل کمپنیوں کے نمائندگان کے کمیٹی اجلاس میں نہ آنے پرکمیٹی نے اظہاربرہمی کیا۔ اس موقع پر کیپٹن(ر) صفدر کا کہنا تھا کہ ملک کاسب سے بڑا ادارہ بلارہا ہے لیکن کمپنیاں آنے کوتیارنہیں ۔ ملک حالت جنگ میں ہے،ہم ان سے معلومات حاصل کرناچاہتے ہیں،کمپنیوں کے نمائندگان اگرکمیٹی میں نہ آئے تواستعفیٰ دےدوں گا۔اس پر کمیٹی کے رکن اویس لغاری نے کیپٹن(ر) صفدر کو مشورہ دیا کہ استعفیٰ دینے کے بجائے اختیارات کااستعمال کریں۔ جس کے بعد موبائل کمپنیوں کے نمائندگان کوطلب کرنے کے معاملے پرکمیٹی نے سپیکرقومی اسمبلی سے رابطہ کرنے کافیصلہ کرلیا۔