نیو دہلی (ویب ڈیسک) ابھی سیکریٹری خارجہ سطح کے مذاکرات کی راہ ہموار ہوئی ہی تھی کہ بھارتی میڈیا چیخ اٹھا۔ دعویٰ کیا کہ جب تک پٹھان کوٹ حملے میں ملوث افراد کے خلاف کارروائی نہیں ہوتی خارجہ سیکریٹری مذاکرات ممکن نہیں اور یہ کہ اگر خارجہ سیکریٹریوں کے مذاکرات ہوئے بھی تو قومی سلامتی کے مشیروں کی سطح پر ہوں گے۔ اسی پر کیا اکتفا یہ دعویٰ بھی کر ڈالا کہ بھارتی قومی سلامتی کے مشیر نے پاکستانی ہم منصب کو بھی یہ بات بتا دی ہے۔ بھارتی میڈیا پاکستان کو بدنام کرنے اور مذاکرات کو سبوتاڑ کرنے کا کوئی موقع ہاتھ سے نہیں جانے دیتا۔