نئی دہلی(نیوزڈیسک)بھارتی افواج نے کبھی سوچا بھی نہ ہوگا کہ اس قدر ذلت مقدر بنے گی،پٹھان کوٹ میں عجیب صورتحال،بھارت آپریشن مکمل ہونے کا اعلان کرتاہے اور اس کے بعد پھر حملہ آور سامنے آجاتے ہیں،بھارت کا پٹھانکوٹ ائرفورس اسٹیشن چوتھے روز بھی کلیئر نہ کرایا جاسکا،ایک حملہ آورکے رہائشی علاقے میں چھپے ہونے کی اطلاعات پر تلاش جاری ہے،بھارتی فضائیہ کے اڈے پر حملے کو آج چوتھا روز ہوگیا،6 میں سے ایک حملہ آور تاحال بھارتی فوج کے اعصاب پر سوار ہے۔ ادھر بھارت آپریشن مکمل ہونے کا اعلان کرتا ہے ادھر حملہ آوراپنی موجودگی کا احساس دلا کر ان دعووں پر پانی پھیردیتا ہے ،بچ جانے والا حملہ آورایئربیس کے رہائشی علاقے میں چھپا بیٹھا ہے۔3 روز کے دوران 5 حملہ آورمارے گئے اور بھارتی فوج کے 7 اہلکار ہلاک اور کئی زخمی ہیں،بڑی بڑی بھڑکیں مارنے والے بھارتی میڈیا نے ،فوج کی اس ناکامی پر حواس باختہ ہوکر الزامات کی توپوں کا رخ مسلسل پاکستان کی جانب کررکھا ہے۔