بیجنگ (نیوزڈیسک).چین نے پیر کو ایران اور سعودی عرب کے درمیان تنازعے پر تشویش کا اظہا رکیا ہے اور دونوں ممالک پر زور دیا ہے کہ وہ پر امن رہیں اور صبر و تحمل کا مظاہر ہ کریں ۔چینی وزرات خارجہ کی خاتون ترجمان ہو ا شون ینگ نے ایک باقاعدہ پریس بریفنگ میں بتایا کہ چین صورتحال کے فروغ پر قریبی توجہ مرکوز کیے ہوئے ہے اور ان کے جھگڑے کی وجہ سے علاقائی تنازع میں اضافے کے بارے میں تشویش ہے ۔ہوا نے یہ بیان ہفتہ کو سعودی عرب کیجانب سے یہ اعلان کیے جانے کے بعددیا ہے کہ وہ ایران سے سفارتی تعلقات منقطع کرے گا اور ایرانی سفارتکاروں کو 48گھنٹوں کے اندر ملک چھوڑنے کا حکم دیا ہے۔ ہفتے کومشتعل ایرانی مظاہرین نے 47افرادکو دی جانے والی پھانسیوں پر احتجاج کے لئے سعودی سفارتی مشن پر دھاوا بول دیا تھا ۔چینی ترجمان نے کہا ہمیں امید ہے کہ تمام متعلقہ فریقین انسداد دہشتگردی میں تعاون اور روابط کو مستحکم کر سکتے ہیں ہمیں یہ بھی امید ہے کہ سفارتکاروں اور مشنوں کے وقاراورتحفظ کی بھی ضمانت دی جائے گی ، خاتون ترجمان نے فریقین پر زور دیا کہ وہ پر سکو ن رہیں صبر و تحمل کا مظاہر ہ کریں اور علاقائی امن واستحکام برقرار رکھنے کی خاطر مذاکرات اور صلاح مشور ے کی ذریعے تنازعا ت کو صحیح طور پر حل کریں