میڈرڈ(نیوز ڈیسک)سال کے بہترین کھلاڑی کا اعزاز پانے والے فٹبال اسٹار کرسچیانو رونالڈو نے دعویٰ کیا ہے کہ وہ اپنا کیریئر ختم ہونے کے بعدایک بادشاہ کی طرح جیئیں گے۔ریال میڈرڈ کی تاریخ میں سب سے زیادہ گول اسکور کرنے والے رونالڈو نے کھیل کو خیر آباد کہنے کے بعد کوچ بنائے جانے کا خیال مسترد کر دیا۔ہسپانوی روزنامہ المونڈو سے گفتگو کے دوران رونالڈو نے تسلیم کیا کہ صرف فٹبال نے ہی ہمیشہ انہیں مسحور نہیں کیا میری زندگی بہت شاہانہ ہے لیکن کیرئیر ختم ہونے کے بعد میں مزید اپنی زندگی سے لطف اندوز ہو سکوں گا کیونکہ اس وقت میرے پاس بہت کچھ کرنے کیلئے بہت وقت ہو گا۔رواں ہفتے لاس ویگاس میں ایک باکسنگ مقابلہ ہے اور میں اپنے دوستوں اور اہل خانہ کے ساتھ اسے دیکھنا چاہتا ہوں، پر میرے پاس وقت نہیں۔رونالڈو نے کہا کہ وہ اس پر شور نہیں مچائیں گے کیونکہ وہ فی الوقت قربانی دے رہے ہیں اور بعد میں وہ ایک بادشاہ کی طرح زندگی گزاریں گے۔