کراچی(نیوزڈیسک)سند ھ میں اپوزیشن جماعتوں کا اجلاس 9جنوری کو کنگری ہاﺅس کراچی میں طلب کرلیا گیا ہے۔ اجلاس میں پیر پگارا کی سربراہی میں نئے بنے والے گرینڈ الائنس کو حتمی شکل دی جائے گی۔سندھ میں پیپلزپارٹی مخالف جماعتوں نے ایک پلیٹ فارم پر جمع ہونے کیلئے 9جنوری کو کنگری ہاﺅس کراچی میں سر جوڑ کر بیٹھیں گی۔ذرائع کے مطابق مسلم لیگ فنکشنل کے سربراہ پیر پگارا اس اجلاس کی صدارت کریںگے اور گرینڈ الائنس کو حتمی شکل دینے کیلئے اعلان کیاجائے گا۔اجلاس میں ایم کیوایم ،پاکستان تحریک انصاف مسلم لیگ ن،قوم پرست جماعتیں ،نیشنل پارٹیز ، ڈاکٹر صفدر عباسی ،امیر بخش بھٹو اور ڈاکٹر ذوالفقار مرزا بھی شرکت کریںگے۔ذرائع کا کہنا ہے کہ اجلاس میں رینجرز کے اختیارات کے حوالے سے تنازعہ اورپیپلز پارٹی کی کرپشن کے خلاف حکمت عملی بنائے جائے گی اور میٹروپولیٹن کارپوریشن،میونسپل کارپوریشن ، ضلع کونسل اورٹاﺅن کمیٹیز کے انتخابات میں مشترکہ امیدوار لانے کی تجویز بھی زیر غور لائی جائے گی۔