لاہور،کراچی(نیوزڈیسک)پاکستان کے سیکورٹی اداروں کا نان سٹاپ ایکشن،ملک دشمن عناصر کی شامت آگئی،لاہور اور کراچی میں اہم ترین گرفتاریاں،سیکیورٹی اداروں نے جنگجو تنظیم داعش کے گرفتار دہشت گردوں کی نشاندہی پر داعش اسلام آباد کے امیر عامر منصور کوسیالکوٹ سے گرفتار کرلیا۔ نجی ٹی وی کے مطابق حساس اداروں نے داعش کے گرفتار دہشت گردوں کی نشاندہی پر سیالکوٹ میں کارروائی کرتے ہوئے داعش اسلام آباد کے امیر عامر منصور کو گرفتار کرلیا ۔ ذرائع کے مطابق گرفتار ملزم عامر منصور داعش میں بھرتی ہونے والے نوجوانوں کو 30 سے 50 ہزار روپے ماہانہ ادا کیا کرتا تھا ¾تفتیش کے دوران یہ انکشاف بھی سامنے آیا کہ ملزم نوجوانوں کو تربیت کے لئے شام اور افغانستان بھی بھیجتا تھا جہاں انہیں اسلحہ چلانے سمیت دیگر دہشت گردانہ تربیت دی جاتی تھی۔ذرائع کے مطابق گرفتار ملزم عامر منصور نے سیکیورٹی اداروں کو داعش میں شامل پاکستانیوں کی فہرستیں بھی فراہم کیں جب کہ سیکیورٹی اداروں نے گرفتار افراد سے پوچھ گچھ کے بعد تحقیقات کا دائرہ مزید وسیع کردیادریں اثناء کاو¿نٹر ٹیرارزم ڈیپارٹمنٹ نے اندرون سندھ کارروائی کرتے ہوئے سانحہ صفورا کے مرکزی ملزم عمر کاٹھیو عرف جلال کو گرفتار کرلیا ہے۔کاو¿نٹر ٹیررازم ڈیپارٹمنٹ کے مطابق سانحہ صفورا کے مرکزی ملزم سعد عزیز کی نشاندہی پر اندرون سندھ سے عمر کاٹھیو عرف جلال کی گرفتاری عمل میں آئی ہے۔ عمر کاٹھیو القاعدہ کا رکن اور اس کے سربراہ اسامہ بن لادن کا قریبی ساتھی بھی رہا ہے تاہم بعد میں ملزم نے داعش میں شمولیت اختیار کرلی تھی۔ ملزم نے سندھ میں 2011 میں دہشت گردوں کا منظم نیٹ ورک قائم کیا۔سی ٹی ڈی حکام کا کہنا ہے کہ گرفتار ملزم عربی زبان کا ماہر ہے۔ جبکہ دہشت گردوں کے لئے فنڈنگ اور ان کو کارروائی کے لئے دیگر سہولیات فراہم کرنا عمر کاٹھیو کی ذمہ داریوں میں شامل تھا۔ ملزم سانحہ صفورا کا بھی سہولت کار تھا جب کہ اس کی بیوی سندھ میں داعش کی خواتین کا نیٹ ورک چلاتی ہے۔ عمر کاٹھیو سے نامعلوم مقام پر تفتیش شروع کردی گئی ہے اور اس کی نشان دہی پر اہم گرفتاریاں بھی متوقع ہیں۔