لاہور(این این آئی) لاہور زیادتی کیس،خودکشی کی کوشش،متاثرہ لڑکی سے کیا کرنے کو کہاجارہاہے؟ بہن نے سنگین الزام عائد کردیا،مبینہ اجتماعی زیادتی کا شکار بننے والی والی 15سالہ لڑکی کی طرف سے خودکشی کی کوشش کی گئی ہے ۔یہ بات متاثرہ لڑکی کے بہنوئی زین نے میڈیا کو بتائی ۔انہوں نے بتایا کہ لڑکی نے دبا ﺅکے باعث چھت سے چھلانگ لگا کر زندگی کا خاتمہ کرنے کی کوشش کی تاہم گھر والوں نے اس کی اس کوشش کو ناکام بناتے ہوئے اسے فوری طور پر سروسز ہسپتال منتقل کیا ۔ زین کا کہنا تھاکہ اس کی سالی نے انتہائی قدم تفتیش کے دوران پولیس کی جانب سے ہراساں کیے جانے اور غیر ضروری سوالوں کی وجہ سے اٹھایا ۔دوسری جانب متاثرہ لڑکی کے اہل خانہ نے چیف جسٹس لاہور ہائی کورٹ سے واقعے کا ازخود نوٹس لینے کی درخواست کردی ہے۔درخواست میں کہا گیا ہے کہ حکومت اور پولیس کی جانب سے ان پر دبا ﺅڈالا جارہا ہے، جبکہ تفتیشی افسر ملزمان کو تحفظ دینے کی کوشش کر رہے ہیں، اس کے علاوہ لڑکی پر بیان بدلنے کے لیے بھی دبا ڈالا جارہا ہے۔متاثرہ لڑکی کی بہن نے بھی الزام عائد کیا ہے کہ پولیس ان کے گھر والوں پر کیس کے مرکزی ملزم عدنان ثنا اللہ کا نام خارج کرانے کے لیے دبا ﺅال رہی ہے۔