انقرہ (نیوزڈیسک) اسرائیل نے سنگاپور میں اپنے سفارتخانے کے جونیئر سفارتکار کی جانب سے تقریب میں سنگاپور کے قومی پرچم کو میز پوش کے طور پر استعمال کرنے پر معافی مانگ لی ۔غیر ملکی میڈیا کے مطابق اسرائیل کے سفارتخانے کے ایک بیان میں کہا گیاکہ ان کے ایک جونیئر اہلکار کا اس قسم کا رویہ انتہائی افسوسناک ہے اور وہ اس پر مخلصانہ معافی مانگتے ہیں۔سفارتخانے نے اس افسوسناک رویے کی مذمت کرتے ہوئے کہا کہ عملے کے ارکان کو نظم و ضبط پر سختی سے عمل کرنا چاہیے۔مقامی میڈیا کے مطابق سنگاپور کی حکومت نے اس واقعے پر اسرائیل کے سفیر کو طلب کیا سنگاپور کی وزارت خارجہ کا کہنا ہے کہ قومی پرچم کا غلط استعمال ایک بڑی خلاف ورزی ہے۔