سری نگر(نیوز ڈیسک) مقبوضہ کشمیر میں آتشزدگی کے واقعے میں کم از کم دس افراد ہلاک اور چار زخمی ہوگئے ہیں۔ یہ آگ جمعے کو علی الصبح ضلع رام بن میں لگی۔ ہلاک ہونے والے تمام افراد مزدور تھے جو ایک نجی کمپنی کے لیے سرنگ کی کھدائی کے منصوبے پر کام کر رہے تھے۔ رام بن پولیس کے سپرنٹنڈنٹ نے بتایا کہ جب آگ لگی تو مزدور اپنی بیرکوں میں سو رہے تھے۔ ان کا کہنا تھا کہ ہم نے تمام لاشوں کو باہر نکال لیا ہے. ان کی شناخت کی کوشش ہو رہی ہے۔ بتایا جا رہا ہے کہ حادثے میں مارے گئے مزدوروں کا تعلق پنجاب، ہماچل اور جموں کشمیر سے ہے۔