ریاض (نیوز ڈیسک) سعودی فرمانروا شاہ سلمان بن عبدالعزیز نے کہا ہے کہ فلسطینیوں کے دیرینہ آئینی حقوق اور مکمل طورپر آزادانہ اور خود مختار فلسطینی ریاست کی حمایت جاری رکھیں گے، ہم ایک ایسی فلسطینی ریاست چاہتے ہیں جس میں بیت المقدس کودارالحکومت کا درجہ حاصل ہو۔شاہ سلمان نے یہ بات فلسطینی صدر محمود عباس کےساتھ گفتگو کرتے ہوئے کہی ۔دونوں رہنماو¿ں کے درمیان ہوئی ملاقات میں دو طرفہ تعلقات، مسئلہ فلسطین کی تازہ ترین صور حال اور خطے کے دیرینہ تنازعات پربھی تبادلہ خیال کیا گیا۔فلسطینی خبر رساں ادارے کے مطابق صدر محمود عباس نے شاہ سلمان سے ملاقات کے دوران فلسطین کی تازہ ترین صورتحال کے بارے میں انہیں بریفنگ دی۔ اس موقع پر دوطرفہ تعاون کے فروغ پربھی تبادلہ خیال کیا گیا۔صدر عباس نے شاہ سلمان کو ان کی فلسطینیوں کے حقوق کی حمایت کی مساعی کے اعتراف میں فلسطین کے سب سے بڑے قومی اعزاز’تمغہ دولت فلسطین‘ سے بھی نوازا۔