اسلام آباد(نیوزڈیسک) بھارتی وزیراعظم نریندر مودی کا دورۂ پاکستان خوش آئند ہے،پاکستان، افغانستان اور بھارت کے منتخب سربراہان کے باہم رابطوں سے کروڑوں عوام کا مستقبل محفوظ ہوگا، جنگی جنون پر اربوں ڈالر خرچ کرنے کی بجائے دونوں ممالک کو غربت کے خاتمے کیلئے وسائل استعمال کرنا چاہئیں۔ اسفندر یار ولی نے بھارتی وزیراعظم کے دورہ پاکستان پرردعمل کااظہارکرتے ہوئے کہاکہ پاکستان، افغانستان اور بھارت کے منتخب سربراہان کے باہم رابطوں سے کروڑوں عوام کا مستقبل محفوظ ہوگا۔انہوں نے کہاکہ انہی رابطوں سے خطہ اقتصادی ترقی کی جانب گامزن ہوسکتاہے۔ اسفندیار ولی خان نے کہاکہ نوازشریف اور مودی کے درمیان ہونیوالی ملاقاتوں سے باہمی تنازعات کے حل اور اعتمادسازی میں اضافہ ہوگا ۔انہوں نے کہاکہ اب پاک بھارت پارلیمانی رابطوں کو بھی بڑھانے کی ضرورت ہے۔ سربراہ اے این پی نے کہاکہ جنگی جنون پر اربوں ڈالر خرچ کرنے کی بجائے دونوں ممالک کو غربت کے خاتمے کیلئے وسائل استعمال کرنا چاہئیں۔ اسفند یار نے کہاکہ آرمی چیف جنرل راحیل کی افغان صدر اور چیف ایگزیکٹو سے ملاقاتیں بھی خوش آئند ہیں۔انہوں نے کہاکہ بین الاقوامی قوتوں کے اثرو رسوخ کے خاتمے کیلئے پاک افغان کے برادرانہ تعلقات کو مزید مضبوط کیا جائے۔