شیخوپورہ(نیو ز ڈیسک)شیخوپورہ میں درندگی انتہا ءکو پہنچ گئی، بااثر زمیندار نے مزدور ی سے انکر پر نوجوان کے دونوں ہاتھ کاٹ دیئے،زمیندار نے قانونی کارروائی کے ڈر سے زخمی نوجوان کو تین ماہ تک محبوس کیے رکھا ،موقع ملتے ہی نوجوان زمیندار کے چنگل سے رہا ہو کر اپنے گاو¿ں پہنچ گیا،دکھیاری ماں نے وزیراعظم نوازشریف اور وزیراعلیٰ شہبازشریف سے انصاف کی اپیل کی ہے۔تفصیلات کے مطابق مانانوالہ میں رہائش پذیر محنت کش صدیق اور اس کا بیٹا 16 سالہ ابوبکر زمینداروں کے ہاں کھیتوں میں محنت مشقت کرتے تھے ایک سال قبل ابوبکر نے حافظ آباد میں سابق ناظم اور تحریک انصاف کے رہنما رانا اصرار کے ساتھ ایک سال کا معاہدہ کیا اور ایک سال محنت مشقت کے بعد واپس اپنے گاو¿ں آگیا۔تقریباً 5 ماہ قبل زمیندار رانا اسرار خاں اپنے ساتھیوں کے ہمراہ مانانوالہ آیا اور ابوبکر کو کھیتوں سے اغوا کر کے حافظ آباد لے گیا اور کہا کہ تم نے ہمارے 15 ہزار دینے ہیں پھر 3 ماہ تک اس سے پاو¿ں میں زنجیریں ڈال کر مزدوری کرواتے رہے انکی رقم پوری ہونے کے بعد ابوبکر واپس آنے لگا تو زمیندار نے زبردستی روک لیا اور کہا کہ تم واپس نہیں جا سکتے محنت کش نے صاف انکار کر دیا جس پر زمیندار رانا اسرار خاں اور اسکے ساتھی احسان ،مدثر و دیگر مشتعل ہو گئے اور نہتے مزدور ابوبکر کو شدید تشدد کا نشانہ بناتے ہوئے کہا کہ تم اگر ہماری زمینوں پر کام نہیں کرو گئے تو کسی کے قابل بھی نہیں رہو گئے اور پھر ظلم کی ایک اور داستاں رقم کرتے ہوئے ابوبکر کے محنت کرنے والے دونوں ہاتھ چارہ کاٹنے والے ٹوکے میں دے کر کاٹ دئیے۔ہاتھ کٹنے کے بعد جب محنت کش زیادہ خون بہہ جانے سے موت کے قریب پہنچا تو زمیندار اسے کبھی نجی ہسپتال اورپھر کبھی ڈاکٹر کو ڈیرے پر لے جا کر اسکی مرہم پٹی کرواتے رہے ابو بکر کا باپ اپنے بیٹے کو ملنے گیا تو زمیندار کے ساتھیوں نے اس بھی قید کر لیا اور ایک رات موقع ملتے ہی دونوں باپ بیٹا زمیندار کی قید سے فرار ہونے میں کامیاب ہو گئے۔جبکہ نوجوان کی دکھی ماں نے صحافیوں سے بات چیت کرتے ہوئے وزیراعظم نوازشریف اور وزیراعلیٰ پنجاب شہبازشریف سے اپیل کی ہے کہ بااثرزمیندار کیخلاف قانون کے مطابق کارروائی کرکے ہمیں انصاف دیا جائے ۔