کابل (نیوز ڈیسک) حامد کرزئی ائیرپورٹ کے مشرقی حصے میںنیٹو فورسز کے قافلے پر خودکش دھماکے میں چار سے زائد افراد زخمی ہوگئے غیر ملکی خبر ایجنسی کے مطابق خودکش حملہ آور کا ر میں سوار تھا اور اس نے غیر ملکی فوجیوں کو نشانہ بنایا جس میں چارسے زائد افراد زخمی ہوگئے ۔خودکش حملے کے بعد فائرنگ بھی ہوئی ۔ سکیورٹی فورسز نے اطراف کے علاقے کو گھیرے میں لے رکھاہے ۔ افغانستان وزارت داخلہ کی جانب سے دھماکے کی تصدیق کی گئی ہے اور بتایا گیا ہے کہ حملے میں چار افراد زخمی ہوئے ہیں اور ہلاکتوں کابھی خدشہ ہے ۔ خودکش حملہ آور نے حامد کرزئی ائیرپورٹ کے مشرقی حصے میں شناسی کے علاقے میں غیر ملکی فوجی قافلے کو نشانہ بنایا۔ چند روز قبل بگرام ائیر بیس کے قریب افغان طالبان نے نیٹو فورسز کے قافلے پر حملہ کیا تھا جس میں چھ فوجی ہلاک ہوئے تھے ۔