مقبوضہ بیت المقدس (نیوزڈیسک) اسرائیل کے نائب وزیردفاع نے فلسطینیوں کے قتل میں ملوث فوجی عہدیدار کو اعلی عہدے پر ترقی دیدی ہے۔ اسرائیلی اخبارکی رپورٹ کے مطابق نائب وزیردفاع ’ایلی بن ھان‘ نے فلسطینی نوجوان کے قتل میں ملوث قرار دیئے گئے ملٹری پولیس کے عہدیدار افیوموراگ کی اعلی عہدے پرترقی کی منظوری دی ہے۔ موراگ نے الخلیل شہر میں کچھ عرصہ قبل ایک فلسطینی نوجوان کو دانستہ طورپر گولیاں مار کر شہید کردیا تھا۔ ابھی تک فلسطینی نوجوان کے قتل کی تحقیقات جاری تھیں کہ نائب وزیردفاع نے موراگ کو مزید منظوری دی۔رپورٹ کے مطابق صہیونی فوجی کو ترقی وزارت دفاع کے ہیڈ کواٹر میں منعقدہ ایک تقریب میں دی گئی۔ تقریب کی صدارت نایب وزیردفاع بن دھان نے کی تھی اور انہوں نے فلسطینی نوجوان کے قتل میں ملوث فوجی کو شاباش دیتے ہوئے اسے سینئر عہدے پر ترقی دی۔