لاہور( نیوزڈیسک )سپر لیگ،کرکٹ کا جنون سر چڑھ کر بولنے لگا،عمران خان کے بارے میں اعلان سے خیبرپختونخوا میں خوشی کی لہر دوڑ گئی،لیجنڈکرکٹر اور پاکستان تحریک انصاف کے سربراہ عمران خان پاکستان سپر لیگ کی پشاور زالمے ٹیم کے کھلاڑیوں کو مفید مشورے دیں گے ۔ ذرائع کے مطابق پاکستان کی تاریخ کے کامیاب ترین کپتا ن عمران خان پی ایس ایل میں پشاور کی ٹیم کو مشورے دیں گے اور ان کے کیمپ کا دورہ بھی کریں گے۔ پشاور زالمے ٹیم کے مالک ملک جاوید آفریدی جلد اس کا باقاعدہ اعلان کریں گے۔