لاہور( نیوز ڈیسک)سپاٹ فکسنگ میں سزایافتہ فاسٹ باولر محمد عامر پر دولت کی دیوی مہربان ہو گئی ،پاکستان سپر لیگ میں 50لاکھ روپے میں فروخت ہو گئے ۔تفصیلات کے مطابق پی ایس ایل کے کھلاڑیوں کیلئے ہونے والی بولی میں آئیکون، پلاٹینم اور ڈائمنڈ کھلاڑیوں کے فروخت ہونے کے بعد گولڈ کیٹگری کیلئے بولی ہوئی جس میں دیگر کھلاڑیوں کے ساتھ بہترین آپشن کے طور پر فاسٹ باولر عمر گل اور محمد عامر موجود تھے۔ اندازہ لگایا جارہا تھا کہ جس فرنچائز کے پاس گولڈ کیٹگری میں سب سے پہلے بولی لگانے کا موقع آئے گا وہ ان دو کھلاڑیوں میں سے کسی ایک کا انتخاب کرے گی ۔گولڈ کیٹگری کیلئے سب سے پہلے بولی لگانے کا موقع کراچی کنگز کی ٹیم کو ملا اور فرنچائز انتظامیہ نے بلاتاخیر محمد عامر کو 50لاکھ روپے کے عوض اپنی ٹیم کیلئے خرید لیا۔ کراچی کنگز کی ٹیم اس سے قبل شعیب ملک، عماد وسیم، روی بوپارا اورلینڈی سمونز کو خرید چکی ہے۔