کراچی(نیوزڈیسک) سندھ میں پیپلز پارٹی کی مخالف ن لیگ اور پی ٹی آئی سمیت تمام اپوزیشن جماعتیں گرینڈ الائنس بنانے پر متفق ہو گئی ہیں۔اس سلسلے میں فنکشنل لیگ کے سربراہ پیر صدرالدین شاہ راشدی کی زیرصدارت اجلاس ہوا جس میں اس بات پر اتفاق کیا گیا کہ سندھ میں پیپلز پارٹی کی حکومت نے کرپشن کی انتہا کر دی ہے۔سندھ کے وسائل کو بے دردی سے لوٹا جا رہا ہے ہم سب اس کو روکنے کیلئے مل کر کام کرینگے۔ اجلاس میں پی ٹی آئی، ن لیگ کے رہنماﺅں، پیپلزپارٹی کے ناراض رہنماءذوالفقار مرزا، ارباب رحیم، غلام مرتضیٰ جتوئی نے شرکت کی۔