نیو یارک۔۔۔۔اب لگتا ہے کہ مٹی کے تیل سے روشن ہونے والی لالٹینوں کا دور ختم ہونے والا ہے کیونکہ شمسی توانائی سے چلنے والی جدید لالٹینیں یہ کام کریں گی اور اس کے لیے بجلی کی بھی ضرورت نہیں۔ دنیا میں ایک ارب سے زائد افراد کو بجلی کی سہولت میسر نہیں اور ان کی مدد کے لیے ہی یہ منفرد لالٹین تیار کی گئی ہے تاکہ ایندھن کے بے جا استعمال کو بھی روکا جاسکے۔ ایم پاورڈ نامی کمپنی نے اس لالٹین کو تیار کیا ہے جو کہ دس اسکوائر فٹ کی جگہ کو بارہ گھنٹے تک روشن رکھ سکتی ہے اور اسے آٹھ گھنٹے میں چارج کیا جاسکتا ہے۔