سٹاک ہوم(نیوزڈیسک)گزشتہ سال کے دوان شمالی امریکہ اور مغربی یورپ کی اسلحہ ساز کمپنیوں کے ہتھیار دنیا بھر میں سب سے زیادہ فروخت ہوئے تاہم اس میں 2013ءکے مقابلے میںکمی ریکارڈ کی گئی،اسلحے و فوجی ساز وسامان بنانے والے دنیا کے سو بڑے اداروں کی فروخت 365 ارب یورو کے برابر رہی ۔امن پر تحقیق کے ادارے ”سپری “ کی ایک رپورٹ کے مطابق اسلحے و فوجی ساز وسامان بنانے والے دنیا کے سو بڑے اداروں کی فروخت 365 ارب یورو کے برابر رہی جو 2013ءکے مقابلے میں 1.5 فیصد کمی دیکھی گئی ۔ تنظیم کی رپورٹ مطابق گزشتہ برس عالمی منڈی میں شمالی امریکی اور مغربی یورپی کمپنیوں کے ہتھیاروں کی مانگ میں کمی ہوئی ہے۔ اس کی وجہ روس اور کئی ایشیائی ممالک کا اسلحہ سازی کے میدان میں آگے آنا ہے۔ یہ مسلسل چوتھا برس ہے جب دنیا کی سو بڑی اسلحہ ساز کمپنیوں اور عسکری اداروں کوکاروبار میں مندی کا سامنا ہے۔