اسلام آباد(نیوز ڈیسک ) برازیل کی تازہ تحقیق کے مطابق سرخ مرچ، سبزدھنیا،پودینہ اور کیمومائل والے کھانے ذہنی صلاحیت کو بڑھانے میں اہم ہے۔ ماہرین کے تحقیق کے مطابق جڑی بوٹیوں اور مصالحوں میں ایپی جینن مرکب بہت زیادہ مقدار میں پایا جاتا ہے جو نیورونز کے کام کرنے کی صلاحیت کو بڑھانے کے ساتھ ساتھ دماغی خلیوں کے آپسی تعلق کو مضبوط بناتا ہے۔ سائنسدانوں کا کہنا ہے کہ ایپی جینن خوشبودار مرکبات میں سے ایک ہے جو شجوفرینیا،ذہنی تنا?،الزائمر اور پارکنسنز جیسی بیماریوں کے علاج میں مدد گار ہے جبکہ لیباٹری کے تنائج نے بھی ثابت کر دیا کہ ایپی جینن 25 دنوں میں نیورونز کے پیچیدہ تعلقات کو مضبوط بنا دیتا ہے۔ ماہرین کی گزشتہ تحقیق میں خوشبو والے مرکب یاداشت اور سیکھنے کی صلاحیت پر مثبت اثر ڈالتے ہیں اور ہارمون ،اوسٹروجن کے متاثرہ لیول کو درست رکھنے میں بھی اہم ہے۔ اوسٹروجن ایک ہارمونز ہے جو ذہنی نشوونما، بلاغت،کام اور نیورونز کی پلاسٹک سٹی کا ذمہ دار ہوتا ہے۔ اس ہارمونز کے لیول کے متاثر ہونے سے ذہنی تنا?،شجوفرینیا جیسی بیماریاں ہو سکتی ہیں۔ ایسی خوراک جس میں بہت زیادہ مقدار میں خوشبودار مرکب ہوں کھانے سے اوسٹروجن کے افعال کو بہتر بنایا جا سکتا ہے۔ ماہرین کا کہنا ہے کہ ان خوشبودار مرکبات کے متبادل کے طور پر ایپی جینن زیادہ موثر ہے۔ ماہرین کا کہنا ہے کہ اپی جینن میں کچھ کیمکل تبدیلیاں کر کے مستقبل میں دماغی بیماریوں کے علاج میں بھی استعمال کرنے کیا جا سکے گا۔