الریاض(نیوزڈیسک)سعودی وزیر خارجہ عادل الجبیر نے کہا ہے کہ ریاض کانفرنس میں طے پانے والے متوقع اصول کسی نافذہ طاقت کے بغیر مو¿ثر نہیں ہوں گے،گزشتہ روز پریس کانفرنس سے خطاب کرتے ہوئے سعودی وزیرخارجہ عادل الجبیرنے کہاکہ کانفرنس کا مقصد شامی اپوزیشن کو ایک متحدہ موقف کے گرد جمع کرنا ہے تاکہ بعض ممالک حزب اختلاف کی صفوں میں انتشار نہ پیدا کر سکیں۔ عادل الجبیر نے واضح کیا کہ بشار الاسد کے پاس دو راستے ہیں۔ پہلا راستہ مذاکرات کے ذریعے اقتدار سے سبکدوشی اور دوسرا راستہ طاقت کے زور پر اقتدار سے علئحدگی کا ہے،انہوں نے کہاکہ شامی صدربشارالاسد اگر اقتدارسے الگ نہ ہوئے ہم ان سے طاقت کے زورپر اقتدارچھین لیں گے کیونکہ ہمیں پیارکے ساتھ ساتھ سختی سے بھی بات کرنا آتی ہے اورویسے بھی اب بہت ہوچکا ہے ۔